Լրահոս / Հայտարարություններ
Արարողակարգային հարցերի համար պատասխանատու աշխատակիցների վերապատրաստման ծրագրի ավարտ
16.03.2022
ՀՀ ԱԳՆ դիվանագիտական դպրոցում փետրվարի 21-ից մարտի 4-ն իրականացվեց արարողակարգային հարցերի համար պատասխանատու աշխատակիցների վերապատրաստման դասընթաց:
Ծրագրի նպատակն էր ծանոթացնել մասնակիցներին տարբեր երկրների և միջազգային կառույցների արարողակարգային առանձնահատկություններին, բարելավել նրանց մասնագիտական գիտելիքներն ու հմտությունները:
Դասընթացին մասնակցեցին ՀՀ նախագահի, ՀՀ վարչապետի աշխատակազմների, ՀՀ նախարարությունների, Արցախի Հանրապետության ԱԳՆ-ի և ՀՀ պետական արարողակարգի ծառայության աշխատակիցներ:
Դասընթացը հաջողությամբ ավարտած մասնակիցներին ծրագրի մասնակցության վկայականներ հանձնեց Դպրոցի տնօրեն, դեսպան Վահե Գաբրիելյանը։ Վկայականի հետ մեկտեղ յուրաքանչյուր մասնակցի տրամադրվեց նաև Դիվանագիտական դպրոցի հրատարակած «Պետական արարողակարգ» գրքի մեկ օրինակ:
Վ. Գաբրիելյանը շնորհավորեց մասնակիցներին դասընթացը հաջողությամբ ավարտելու կապակցությամբ հույս հայտնելով, որ դասընթացի ընթացքում ձեռք բերված գիտելիքներն օգտակար կլինեն նրանց հետագա աշխատանքում և կնպաստեն նրանց մասնագիտական առաջխաղացմանը: