Լրահոս / Հայտարարություններ
Եվրասիա միջազգային համալսարանի հենակետային վարժարանի սաների այցը Դիվանագիտական դպրոց
25.01.2022
Հունվարի 25-ին Դիվանագիտական դպրոցը հյուրընկալել է Եվրասիա միջազգային համալսարանի «Պատանի դիվանագետ» և «Պատանի իրավաբան» դպրոցների՝ ՀՀ տարբեր մարզերը ներկայացնող, 9-12-րդ դասարանի սաներին:
Դպրոցում շրջայց կատարելուց հետո, աշակերտները հանդիպել են ՀՀ արտաքին գործերի նախարարի տեղակալ Պարույր Հովհաննիսյանի և Դիվանագիտական դպրոցի տնօրեն Վահե Գաբրիելյանի հետ: Վ. Գաբրիելյանը ողջունել է աշակերտներին և հույս հայտնել, որ իրավաբանի և դիվանագետի մասնագիտություններն ընտրելու մասին մտածող երիտասարդները կաշխատեն իրենց նպատակների իրագործման ուղղությամբ և կծառայեն ի շահ երկրի: Պ. Հովհաննիսյանն աշակերտներին է ներկայացրել ՀՀ արտաքին գործերի նախարարության գործունեությունն ու պետական կառավարման համակարգում ունեցած դերակատարությունը, ՀՀ արտաքին քաղաքականության առաջնահերթություններն ու մարտահրավերները:
Դիվանագետները պատասխանել են նաև աշակերտների հարցերին, որոնք վերաբերել են դիվանագիտական ծառայությանը, դիվանագետի մասնագիտությանն ու պարտականություններին, Դիվանագիտական դպրոցի առաքելությանը, տարածաշրջանային անվտանգությանն ու Հայաստանի և այլ երկրների հարաբերությունների հեռանկարներին: