2024թ. մայիսի 2-ից հուլիսի 19-ը Դիվանագիտական դպրոցում անցկացվեց Դիվանագետների և ՀՀ պետական մարմինների արտաքին կապերի համար պատասխանատու ստորաբաժանումների աշխատակիցների վերապատրաստման հերթական ծրագիրը: Ծրագիրը նպատակ ուներ բարձրացնել ապրիլին ՀՀ ԱԳՆ աշխատանքի ընդունված դիվանագետների մասնագիտական գիտելիքները և խորացնել ՀՀ արտաքին քաղաքականության նրանց ընկալումը:

Դասընթացն ամփոփվեց հուլիսի 29-ին: Դիվանագիտական դպրոցի տնօրեն, դեսպան Վահե Գաբրիելյանը մասնակցության վկայականներ հանձնեց դասընթացը հաջողությամբ ավարտած մասնակիցներին և մաղթեց հաջողություններ հետագա ձեռնարկումներում: