Հունիսի 28-ից հուլիսի 6-ը ՀՀ ԱԳՆ լրատվության և հանրային դիվանագիտության վարչության նախաձեռնությամբ և ՀՀ ԱԳՆ դիվանագիտական դպրոցի օժանդակությամբ Դիվանագիտական դպրոցում տեղի ունեցավ արտաքին քաղաքականության ոլորտը լուսաբանող լրագրողների վերապատրաստման հերթական դասընթացը: Դասընթացի ժամանակ Հայաստանի արտաքին քաղաքականությանն առնչվող դասախոսություններով հանդես եկան ԱԳՆ համապատասխան ստորաբաժանումների ղեկավար պաշտոնյաներ: Դասընթացի ավարտին տեղի ունեցավ ծրագրի մասնակցության վկայականների հանձնման արարողություն: