Լրահոս / Հայտարարություններ
Եվրասիա միջազգային համալսարանի հենակետային վարժարանի սաների այցը Դիվանագիտական դպրոց
19.02.2019
Փետրվարի 19-ին Դիվանագիտական դպրոցը հյուրընկալեց Եվրասիա միջազգային համալսարանի հենակետային վարժարանի «Պատանի դիվանագետ» և «Պատանի իրավաբան» դպրոցների սաներին: Ողջունելով աշակերտներին, դիվանագիտական դպրոցի տնօրեն, դեսպան Վահե Գաբրիելյանը գովելի համարեց վաղ տարիքից դիվանագիտությամբ և իրավաբանությամբ հետաքրքրվելը և հույս հայտնեց, որ Դիվանագիտական դպրոց այցը պատասխան կտա շատ հարցերի և կօգնի նրանց որոշում կայացնել ապագա մասնագիտության վերջնական ընտրության հարցում։ Հարց ու պատասխանի ձևաչափով ընթացած հանդիպմանը տնօրենը պատասխանեց աշակերտներին հետաքրքրող հարցերին, որոնք վերաբերում էին Դիվանագիտական դպրոցի կառուցվածքին և ընդունելության կարգին, դիվանագիտական ծառայության նրբություններին, Հայաստանի դիվանագիտական ծառայության առանձնահատկություններին, ինչպես նաև Հայաստանի արտաքին քաղաքականության առաջնահերթություններին և մի շարք այլ թեմաների։