Փետրվարի 22-ին Դիվանագիտական դպրոցը հյուրընկալեց Մադագասկարի արտաքին գործերի նախարար Անրի Ռաբակ-Նձակին, որը Դիվանագիտական դպրոցի «Միջազգային հարաբերություններ և դիվանագիտություն» 2017-2018 թթ. ծրագրի ունկնդիրների և ՀՀ ԱԳՆ աշխատակիցների համար հանդես եկավ դասախոսությամբ: Իր խոսքում և դրան հաջորդած հարցուպատասխանի ընթացքում նախարարը հանդիպման մասնակիցներին ներկայացրեց Մադագասկարի արտաքին քաղաքականության առջև ծառացած մարտահրավերները, հայ-մադագասկարյան հարաբերությունները, խոսեց հոկտեմբերին Երևանում կայանալիք Ֆրանկոֆոնիայի միջազգային կազմակերպության գագաթնաժողովից՝ կարևորելով Հայաստանի և Մադագասկարի համագործակցությունը ինչպես Ֆրանկոֆոնիայի կազմակերպության շրջանակներում, այնպես էլ դրանից դուրս։