Լրահոս / Հայտարարություններ
Բրազիլիայի Դաշնային Հանրապետության դեսպան Աժեմար դե Մենդոնսա Սանկտոսի այցը Դիվանագիտական դպրոց
13.02.2018
Փետրվարի 13-ին Դիվանագիտական դպրոցը հյուրընկալեց Հայաստանում Բրազիլիայի Դաշնային Հանրապետության արտակարգ և լիազոր դեսպան Աժեմար դե Մենդոնսա Սանկտոսին։ Այցի նպատակն էր ծանոթանալ Հայաստանի դիվանագիտական դպրոցի գործունեությանը և քննարկել Բրազիլիայի արտաքին հարաբերությունների նախարարության «Ռիո Բրանկո» ինստիտուտի և ՀՀ ԱԳՆ դիվանագիտական դպրոցի միջև համագործակցության հնարավորությունները։
Ավելի վաղ՝ 2016 թվականին, Հայաստանի դիվանագիտական դպրոցի և «Ռիո Բրանկո» ինստիտուտի (Բրազիլիայի դիվանագիտական դպրոց) միջև կնքվել էր Փոխըմբռնման հուշագիր և քննարկում ծավալվեց փաստաթղթով նախատեսված ուղղություններով համագործակցության շուրջ։
Դիվանագիտական դպրոցի տնօրեն Վահե Գաբրիելյանը ներկայացրեց Դպրոցը և շեշտեց նմանատիպ նախաձեռնությունների կարևորությունը ուսումնական հաստատությունների միջև։ Զրուցակիցները քննարկեցին համագործակցության մի շարք տարբերակներ: