Լրահոս / Հայտարարություններ
«Դիվանագետների վերապատրաստում» դասընթացի ավարտական վկայականների հանձնում
23.06.2017
2017թ. հունիսի 23-ին Դիվանագիտական դպրոցում տեղի ունեցավ «Դիվանագետների վերապատրաստում» ամենամյա երկամսյա դասընթացի ավարտական վկայականների հանձնման արարողությունը: Դասընթացը նախատեսված է ՀՀ արտաքին գործերի նախարարության կենտրոնական ապարատում աշխատող դիվանագետների, ինչպես նաև պետական այլ գերատեսչությունների` արտաքին կապերի կամ միջազգային համագործակցության վարչությունների աշխատակիցների համար: Դասընթացը հաջողությամբ ավարտած մասնակիցներին վկայականներ հանձնեց Դիվանագիտական դպրոցի տնօրեն Վահե Գաբրիելյանը, ով շնորհավորեց մասնակիցներին և շեշտեց դասընթացի կարևորությունը ոչ միայն տեսական գիտելիքների և գործնական հմտությունների թարմացման, այլև տարբեր գերատեսչությունների արտաքին ստորաբաժանումների միջև աշխատանքային կապերի խորացման գործում: