Լրահոս / Հայտարարություններ
Փոխըմբռնման հուշագիր ՀՀ ԱԳՆ դիվանագիտական դպրոցի և Ինդոնեզիայի ԱԳՆ Կրթության և վերապատրաստման կենտրոնի միջև
19.09.2016
Սեպտեմբերի 19-ին Ինդոնեզիայի ԱԳՆ Կրթության և վերապատրաստման կենտրոնում ՀՀ ԱԳՆ դիվանագիտական դպրոցի տնօրեն, դեսպան Վահե Գաբրիելյանը և Ինդոնեզիայի ԱԳՆ Կրթության և վերապատրաստման կենտրոնի ղեկավար Էկո Հարտոնոն ստորագրեցին ՀՀ ԱԳՆ դիվանագիտական դպրոցի և Ինդոնեզիայի ԱԳՆ Կրթության և վերապատրաստման կենտրոնի միջև դիվանագիտական վերապատրաստման և կրթական բնագավառում համագործակցության մասին փոխըմբռնման հուշագիր:
Ստորագրման արարողությանը հետևած ելույթներում Վահե Գաբրիելյանը և Էկո Հարտոնոն համոզմունք հայտնեցին, որ ստորագրված փաստաթուղթը կնպաստի երկու կրթական հաստատությունների միջև համագործակցության զարգացմանը և հիմք կծառայի մասնագիտական գիտելիքների ու փորձի փոխանակման, համատեղ կրթական ու վերապատրաստման ծրագրերի իրականացման համար:
Ստորագրման արարողությունից հետո Ինդոնեզիայի ԱԳՆ-ի՝ կենտրոնում վերապատրաստում անցնող միջին դասի դիվանագիտական անձնակազմի համար տեղի ունեցավ Հայաստանի վերաբերյալ Վահե Գաբրիելյանը դասախոսությունը, որից հետո նա պատասխանեց ներկաներին հետաքրքրող հարցերին: